قصيدة بالفارس كمعان بن مشلح ال سفران

يازين حس البـوم يرفـع بالالحـان
مستانـس بعلـى الزريبـه يلالـى
فى ارض بها نبت الوسامى له اللوان
متشكـل كنـه نقـوش الـزوالـى
يابـوم غـن ونـس العـم كمعـان
ونس راعى الحرشا كريـم السبالـى
ابوزنيفـر عالـى القـدر والشـان
كـل المراجـل نالـهـا بالكمـالـى
كم جاب من دار المعاديـن قطعـان
منهـا معاشيـر وخـلـف متـالـى
زيزوم نمرا قايـد جيـش وفرسـان
ناطـح مقابيـل وحامـى تـوالـى
متبوع مـا يتبـع عقيـد وشيخـان
جــزام راى لا عــزم مايبـالـى
مروى رهيف الحد مـن كـل ديـان
سيفه على الجمـع الموالـى وبالـى
كم ذب راس الراس مابين الامتـان
يمنـاه للشيـخ المجـوخ زوالــى
منـه صنـاديـد المناعـيـر ذلان
ومن دون شبره يقصرون الرجالـى
عسى له الفردوس منـزل ومسكـان
فى عالـى الجنـه وبـرد الظلالـى

لشاعر محمد فهد ال منيخر

ـــــــــــــالفارس كمعان الله يرحمه له فعل يذكر فى وقعة الهليطه ..
الوقعه اللتى أفتخر فيها الامير راكان بن حثلين الله يحمه

تحرير المقال

هايف فايف

هنا تضع النبذه عنك

اذا حبيت نسخ المقالهـ