مرثيه في محمد بن عبدالله بن جوينان

مشاهدات الان

اسعد الله اوقاتكم لم أفكر ولم يخطر ببالي أني سأنقل لكم هذي القصيده في يوم من الأيام
ولكن هاهي الأيام تجعلني أكتب لكم مالم اتوقعه
وهاهي الايام تأخذ مني ومن جميع من عرفه إنسان نحبه
إنسان يحمل في وجهه البسمه ويحمل في قلبه الحب
إنسان كل من عرفه حبه ..
كان لي بمثابة الأخ او أكثر والله يعلم بذلك
كان لي الأخ والصديق وابن الخال الذي يحق لي ان افخر به
رحمك الله يا محمد واسكنك فسيح جناته
وهذي المرثيه للشاعر منصور بن محمد بن منيخر , في محمد بن عبدالله بن محمد بن جوينان

ياناصر اصبر والصبر للرجالي
وهذي هي الدنياء وهذا عملها
وهذي هي الايام وهذي الليالي
تالد لها ناسً وناس تغسلها
تطوي كما طي الرشا للمحالي
ومثل الرحاه اللي سريع عجلها
فقدت لك قبل أمس صاحب وغالي
الصحبه اللي ماتدور بدلها
عزالله انه من قروم العيالي
واصل ومن وصله ربوعه وصلها
ماهوب لا الأول ولاهوب تالي
وأنا ادري ان فرقاه ماتحتملها
ولاينسي مثله سنين طوالي
سنه صغير والمراجل حملها
لكنها الدنياء على كل حالي
هذا يغادرها وهذا نزلها
يالله يالمعبود ياذا الجلالي
يامن جميع ارزاق خلقه كفلها
أتثبت محمد نهار السؤالي
ويستقبله في جنة الخلد اهلها
وتعوض صبر الوالدين العيالي
ياكاتب أعمار الخلايق وأجلها
وصلاة ربي عد وبل الخيالي
للي فتح مكه ونور جهلها


بيض الله وجهك يا أيومحمد وصح لسانك