حبيت أعايد قـبلة العيد بالعيد
وعيديته مني قصيده جديده
أخصها لجله لو حده بتحديد
كـتبـتها لعـينه قصيده فريده
اللي ملك قلبي عسى عيده سعيد
عسى السـعد فاله وعيده يعيده
ياليت ليـته دايم الدوم في عــيد
ويالله عسى أيــام عمــره سعيده
مهديه أنا قلبي ولو يطلب أزيد
نبع الوفا قلبي وقلبي طريده
لو كان عقد بيننا الوضع تعقيد
حسبي عليه الحل والربط بيده
أنشهد إنه طالع وطلعه إبعيد
وحبه بدمي ساري في وريده
لا شك أنا غيره فلا والله أريد
هو الوحيد اللي فؤادي يريده
من خافقي أكتب له الشعر وأجيد
وأترجم أحساسي بشعري وأجيده
يستاهل الأشعار مني أتع الجيد
ويستاهل أنشر بالجريده قصيده
0 تعليقات