مرثية في الوالد الشيخ شافي بن حرقان رحمه الله

مشاهدات الان

مساكم الله بالخير

هذي القصيده مرثيه في الوالد شافي بن حرقان رحمه الله

الله يرحـمـك يـاعـودن نـعـزابـه
شايب للاقصى والادنى من السفارينـي رحل ولا ذكـر يـوم انـه قفـل بابـه
منصى المشاكيل وقت العسر واللينـي
والرجـل لاحبـه الله كثـروا احبابـه
وياكثر مـال ابوفالـح مـن محبينـي يبيـن للنـاس بحضـوره وبغيـابـه
ابو الوفاء والكـرم والمنطـق الزينـي
شافي ولاقيـل بـن حرقـان ينخابـه
من روس قومـن يهـزون الميادينـي حامين حم الـذرى ولاراحـت نهابـه
ويرعون حد الخطر بأمـات روحينـي
سعد الخوي كان وقتـه كشـر انيابـه
متوارثيـن الظفـر مبطـي وذلحينـي وتاريخ فرسان نجـد مسطـر كتابـه
ويازين شعر المدايح فـي المديحينـي
تاريـخ يبقـى مـع الاجيـال يحكابـه
أمجـاد الابطـال تحكيـه الدواويـنـي وابيـه زيزومهـا لاصـارت طـلابـه
وجـده يهابونـه القـوم المسميـنـي
لاركب نومه وسـل السيـف بنصابـه
كلن يبـي العافيـه حتـى الشياطينـي والذيب ميـراث ذيـب ويـرث ذيابـه
ولافيه من يعتـرض درب السراحينـي
كم زبنوا مـن دخيـل وفكـوا نشابـه
وبيوتهـم للعـرب كبـر الضلاعينـي والقلب يحزن لاراحـوا خيـرة اقرابـه
وش عاد لو سالت الدمعات من عينـي
شافي لنا مثـل نـون العيـن وهدابـه
عسـى حسانيـه ترجـح بالموازينـي الله يرحمـه ويرحـم شايـبً جـابـه
عاشوا وماتوا على التقوى وعلى الديني
هم سيفنا وهم عمود البيـت واطنابـه
عـز الاجاويـد وكعـام المعاديـنـي يالله ياناصـر المعصـوم واصحـابـه
ويا خالق الأدمي من ماء ومن طينـي
ترحم نزيـل القبـر وتخفـف حسابـه
وتبـدل اللحـد بانـهـار وبساتيـنـي وصلوا على من نزل به وحي يقرابـه
شفيعنا فـي نهـار الماقـف الشينـي



منصور بن محمد بن منيخر

صح لسان ابومحمد والله يرحم ابوفالح ويسكنه الجنه