سالم الفراع لا لا تـأســـف

مشاهدات الان

  لا لا تـأســـف

لا لا تأســف يابعــد كـــل غـــــالي
أقـــولها لـك وأفـــــهم القصــد يازيـــن

لاصرت أحبك وأنت وحــدك في بالي
وش لـه تفكــر بي بتفكـــيرك الشــــين

وش فـايــده تزعــل وتـســــهر لـيــالي
وش فــــايدة دمعك على الخد سكين

وش فـــــايده تحــزن بشــي(ن) مضالي
وتكــدر أفـــؤادك مـن حــين لي حــين

تـــدري أحـــبك وأن غــيرك فــــلالي
سكــنت قــلبي قــبل لا تشــوفك العين

مـلــــكة قـــلبي و قـلت ياطـــيب فالي
الله رزقـني بـك بعـد صــبري اســنين

مــاعـــاد أبــي غـــيرك ولالـه مجـالي
بمشي معك دربك على العســر واللين

مادمت أنا لـك.. وأنت لـي وحـــــــلالي
والله فــــلا أخــــونك مادمـنا حــــيـين

يفــداك كـلي ويا روحــــي وحــــالي
وتفــــــداك نـــــاسٍ ماتحبك شــياطين

ياروح روحــــي يابـعــد راس مــالي
مابي أشــــــوفك بعــد ذا اليوم تبكـــين