استخراج اجازه قياده لسايقي طلعوا روحي بدون واسطه وانا موظف نفس المحافظه

مشاهدات الان

الدنيا دواره انا اللى كنت اعمل هذي الكروت لاستخراج القياده للاتراي للاختبار القياده

في عام 1998 او توظيفي بالمرور بمحافظه حولي

انا ما ألوم احد في الموضوع بس اقول الدنيا دواره ... والواسطه للاسف للحين شغال بمكان غلط

قلت خلني اجرب حضي من غير واسطه <<< معي العلم السايق محترف قياده ولا اشجع فيه على انه سايقي لا

الكرت مشقوق في خطئ مني شقيت اوراق ومن ضمنها هذا المقرود

ما ألوم احد في الموضوع بس اول الايام ما تكلمت معي احد ... يوجد رموز في الكرت لموافق او غير مرغوب ما ابي اوضحها لانه اسرار داخليه بس هل تعلم ان المواطن ما يعرف شئ والوافد عارف لعبتهم هذا اللى صدمني

المهم كان مرافقي احد الوافدين وقال يا بو عمر مبروك لسقوط وقلت كيف عرفت قال من الرقم المكتوب ؟؟؟ قلت بجرب ونشوف

وفعلا سقطووووووووه هذي المحاوله الاولهـ مشيتها وكنت على سفر ولا انا فاضي للهندي قلت بعد السفر ولما رجعت وطاف الموعد عطوني موعد اخر

وقلت السالفه طولت ورحت لضابط عندي مطيري قلت يا بو فلان الله الله بموضوعي قال ابشر ولا قصر

ودخلت على الهاجري وقلت هلا بمحلف ولا اهتم فيني واجد ومشيتها ابي اخلص الموضوع

سقطوه في الاختبار للعملي انه ركب الرصيف وطوفناها وقلنا الرجال يبي واسطه وعطونا موعد اخير لمحاوله الثالثه